Maxkamadda Islaamiga ah ee Wilaayada Hiiraan ayaa saaka fulisay laba xukun oo Xad min Xuduudi Llaah ah kuwaas oo lagu kala fuliyay niman gaystay dambiyo isugu jira kufsi iyo dil’waxa uu xukunkan ka dhacay fagaara weyn oo ku yaala magaalada Buq’aqable ee gobalka Hiiraan.
Ninka koowaad ee xukunka lagu fuliyay ayaa lagu magacaabaa Axmad Ibraahim Raagoow oo 29 sano jir ah, waxaa lagu helay inuu Kufsi u gaystay haweeneey kamid ah dadka Muslimiinta ah ee ku dhaqan Degmada Baladweyne kadibna uu dilay walaalkeed oo isku deyay inuu ka difaaco walaashiis falka kufsiga ah balse uu dambiiluhu rasaas ooda kaga qaaday halkaasna ku dhintay.
Ninkan ayaa ahaa nin horey guur usoo maray, sidaas daraadeed Maxkamadu waxay ku xukuntay in la rajmiyo ” dhagax lagu dilo” maadaama uu isku darsaday kufsi iyo dil, isagoona guur xalaal ah horey usoo maray.
Ninka labaad ayaa lagu magacaabaa Yuusuf Cali Bajiin oo 22 sano jir ah, waxay maxkamadu ku heshay inuu falka kufsiga ah ka qayb qaatay, balse uusan dilka geysanin Waxaa intaas usii dheer isaga inuu ka tirsanaa maleeshiyaadka maamulka Baladweyne ka dhisan.
Sidaas darteed maxkamadu waxay ku xukuntay dil toogasho ah maadaama uu ahaa ‘Murtad’, Kufsina uu geystay, sida ay Maxkamadu ku dhawaaqday.
Labada nin ayaa falka kufsiga iyo dilka iskugu jira waxay ka geysteen xaafad ka mid ah Magaalada Baladweyne, balse ciidamada Xarakada Al Shabaab oo dhibaatada ay geysteen lasoo gaarsiiyay ayaa hawlgal gaar ah kusoo qabtay labadooda xilli ay ku sugnaayeen deegaanka Baar ee duleedka Baladweyne sidaasna Maxkamada Islaamiga ah loo horkeenay.
Xukunka Rajmiga iyo dilka toogashada ah ayaa ka dhacay degmada Bu’aqable ee Wilaayada Hiiraan waxaana kasoo qaybgalay dadweyne aad u farabadan iyo masuuliyiin ka tirsan Maamulka Islaamiga ah ee Xarakada Al Shabaab oo uu ka kimid ahaa Sheekh Guuleed Abu Nabhaan, Waaliga Wilaayada Hiiraan, kaas oo hadal goobta ka jeediyay.
Goordhaw Filo Kalimadihii Fagaaraha Laga Jeediyay.
Calamada.com
About The Author
