Maydadka saraakiil iyo askar Kenyaan ah oo lagu khaarajiyay howlgallada ciidan ee ay mujaahidiintu ka wadaan dhulalka muslimiinta ee ay Kenya xoogga ku haysato, ayaa laga dejiyay deegaannadii ay kasoo jeedeen.
Bakhtiyada saraakiisha iyo askarta ayay dowladda kaafiradda ee Kenya si gaar ah uga dejisay tuulo lagu magacaabo Pombo Tano oo hoostaga Kanduyi ee ismaamulka Bungoma, halkaas oo ah deegaanka ay kasoo jeedeen, aasna loogu sameeyay.
Saraakiisha bakhtiyadooda deegaankaas la geeyay waxaa ka mid ah sarkaal lagu magacaabo Mike Ouma oo 27 sano jir ah, kana tirsanaa ciidanka KDF-ta dowladda Kenya.
Hooyada dhashay sarkaalkan 27 jirka aha oo goob joog ahayd aaska saraakiisha iyo askarta, oo uu wiilkeeda ka mid yahay ayaa ku dul-baroortay, iyadoo sheegtay inay aad uga naxday dilka wiilkeeda.
“Waxaan geerida wiilkeyga ku qaabilay naxdin iyo gaalnimo, wuxuu ahaa wiilka kaliya ee aan arkay oo koray, la ooyay, lana qoslay oo xitaa waan xanaaqay, ma rumeysan karo inuu dhintay,” waxaa sidaas tiri Naliaka oo ah hooyada dhashay sarkaalka.
Muuqaal lasoo geliyay baraha Internet-ka ayaa muujinayay murugada iyo niyad jabka hareysay goobta aaska, waxay ehelladiisu sugayeen in wiilkooda oo cagihiisa ku socda uu u yimaado, balse waxa loo keenay isagoo naxash lagu sido oo la iska soo fogeeyay.
Sarkaalkan iyo saraakiil kale oo Kenyaan ah ayaa ka mid ahaa ciidamo saliibiyiin ah oo lagu dilay howlgal fariid ah oo ay dhowaan mujaahidiintu ka fuliyeen gobolka Gaarissa ee ka mid ah dhulalka muslimiinta NFD, balse ay Kenya xoogga ku haysato.
Dhanka kale warbaahinta Kenya ayaa shaacisay tirakoob ay ku samaysay tirada dadka nasaarada ah ee ku nafwaayay howlgallada ay mujaahidiintu ka wadaan NFD iyo Laamu.
Wargayska Daily Nation oo kasoo baxa Kenya, ayaa shaaciyay in 20 xubnood oo gaalo kenyaan ah ay mujaahidiintu dileen muddo bil gudeheeda, waxayna taaasi walaac aad u daran ku beertay dhammaan nasaaradii isaga kala gooshi jirtay gobollada ay howlgalladu ka socdaan.
About The Author
