Isbahaysiga mucaaradka ee lagu magacaabo Mustaqbalka, ayaa warsaxaafadeed ay soo saareen ku shaaciyay shuruudo adag ay ku xireen ka qaygalka gogol uu Xasan Sheekh Maxamuud u fidiyay siyaasiyiinta mucaaradka, taas oo la qorsheeyay 10-ka bishan May.
Mucaaradku, waxay tilmaameen inay horay uga qaybgaleen kulamo ay la qaateen Xasan Sheekh weliba isaga oo ku dhinac waday bay dhaheen tallaabooyin ay ku tilmaameen kuwa sharci darro ah oo uu ka mid yahay beddelka dastuurka, gogosha uu hadda fidiyay ayay sheegeen inaysan daacad ka ahayn Gurguurte.
Waxay sheegeen warsaxaafadeedkaas ka dib in uu Gurguurte ku dhawaaqay jadwal doorasho oo hal dhinac ah, welina uu sii wado barakicinta uu ku hayo dadka rayidka ah iyo xarigga dhalinyarta.
Shuruudo adag oo laba qodob ka kooban ayay mucaaradku ku xireen inay ka qayb-galaan gogosha uu u fidiyay madaxa kooxda Riddada murtad Gurguurte, tan 1-aad ayay ku sheegeen in uu muujiyo daacadnimo ku aaddan wadahadalka, sidoo kalena joojiyo doorashada halka dhinac ah ee natiijadeeda lasii ogyahay sida ay warka u dhigeen.
Qodobka labaad ee ay ku xireen ka qaybgalka kulanka, ayay ku sheegeen in uu yahay in la magacaabo dhexdhexaadiyeyaal madax bannaan oo la isku raacsan yahay.
Wixii ka dambeeya 15-ka May haddii aan heshiis la gaarin, waxay mucaaradku ku goodiyeen inay qaadi doonaan tallaabooyin lagu badbaadinayo nidaamka Riddada ee fadhigiisu yahay Muqdisho.
About The Author
