Jabhadda lagu magacaabo OLO ee dagaalka kula jirta dowladda xabashida ah ee Itoobiya, ayaa la sheegay inay la wareegtay deegaanno ay dagaallo culus ka socdeen muddo bilo ah oo kuyaal gobolka Benishangul-Gumuz.
Dad ku nool magaalooyinka Metekel iyo Kamashi ee dalka Itoobiya ayaa soo sheegaya in maleeshiyada jabhadda magaceeda loo soo gaabiyo (OLA) ay si deg deg isugu fidinayaan gobolkaasi, waxayna maleeshiyadan dhowr bilood ka hor mandiqadda kasoo galeen mandiqadda Wollega.
Ilo wareedyo ayaa soo sheegay in deegaannada Metekel iyo Kamashi oo shan bilood ay ka taagnayd xaalad dagaal, ay si deg ah u qabsadeen oo gudaha u galeen deegaano badan.
Warar kale ayaa sheegaya in mid ka mid ah deegaannada ay la wareegeen OLA oo lagu magacaabo Debat ay ka gaysteen dilal, afduub dhac iyo kufsi ka dhan ah dadka deegaanka, waxay sidoo kale maleeshiyadan qabsadeen tuulo lagu magacaabo Berber, halkaas oo ay sidoo kale dhibaatooyin ka gaysteen.
Dadka ismaamulkan ku nool ayaa sheegay in dowladda Itoobiya aysan waxba ka qaban weerarada ay wadaan maleeshiyada jabhadda hubeysan ee OLA ee ka socda gobolka Binshanguul-gumus.
About The Author
