Inta la hubiyay ugu yaraan saddex qof ayaa dhintay, halka kuwa kalena ay soo gaareen dhaawacyo, ka dib markii uu kusoo dumay xabaal-wadareed ay qodayeen meel u dhow degmada Qabri-bayax ee dhulka Soomaali-galbeed.
Xabaal-wadareedka soo dumay, ayaa loo qodayay in si jimaaci ah loogu aaso 12 qof oo intooda badan jirkooda uu googo’ay, kuwaas oo shil ku galay deegaanka Guuyow oo hoostaga degmada Qabri-bayax.
Ilo wareedyo deegaanka ah, ayaa soo sheegay in dadka dambe oo 3 qof ahaa ay dhinteen markii ay kusoo duntay xabaasha ay qodayeen, waxaana sidoo kale dhacdadan ku dhaawacmay sagaal qof oo kale.
Musiibadan ka dhacday dhulka Soomaali-galbeed, ayaa noqotay mid si wayn looga hadal-hayo baraha ay bulshadu ku wada xiriirto.
About The Author
