Wararka ka imaanaya degmada Jalalaqsi oo ka tirsan gobalka Hiiraan ee bartamaha dalka Somaliya waxey sheegayaan in qeybo ka mid ah degmadaasi qarax culus lagula beegsaday askarta Jabuuti.
Qaraxa oo ahaa miino ayaa lagu aasay goob lagu magacaabo Salsan oo ka tirsan xaafadaha dhanka Galbeed ee degmada Jalalaqsi gaar ahaan dhanka looga baxo degmada marka la aadayo dhanka degmada Buulo burte.
Dhawaaqa qaraxa waxaa si aad ah looga maqlay xaafadaha kala duwan ee degmada Jalalaqsi waxa uu qaraxa sababay khasaara soo gaartay askarta Jabuuti.
Mid ka mid ah dadka deegaanka waxa uu warbaahinta u xaqiijiyay dhimashada Labo askari oo Jabuutiyaan ah iyo dhaawaca ku dhawaad Shan kale.
Goobta qaraxa ka dhacay ayaa ah goob subax walbo ciidamada Ridada Jabuuti ay soo fadhiistaan galabtiina ay ka tagaan waxa uu qaraxan kusoo aadayaa xilli maalmo ka hor qarax ka dhacay gudaha degmada Jalalaqsi uu sababay khasaara dhimasho iyo dhaawac ah oo soo gaartay askarta Jabuuti.
Calamada.com
About The Author
