Guutada qaraxyada Mujaahidiinta waxay qarax aad u xooggan la beegsadeen askar ka tirsan ciidamada dowladda Kenya xilli ay ku socdaalayeen deegaan dhaca soohdin beenaadka ay Kenya la wadaagto wilaayada Jubbooyinka.
Qaraxa oo jugtiisa laga maqlay deegaanno fog fog oo dhaca xad beenaadka Kenya iyo Jubbooyinka waxa uu si gaar ah uga dhacay duleedka deegaanka Kulbiyow ee wilaayada Jubbooyinka.
Qaraxa oo haleelay gaari xamuul ah oo ay ka buuxeen askarta ciidamada KDF-ta dowladda saliibiyadda Kenya ee ku sugan Jubbooyinka waxaa ku halaagsamay askar fara badan oo Kenyaanti ah.
Ilo wareedyo lagu kalsoon yahay waxay xaqiijiyeen in qaraxa oo ahaa mid xooggan uu gabi ahaan ba burburiyay gaariga oo noociisu ahaa BG waxaana ku dhintay dhammaan askartii la socotay.
Weerarkan qaraxa ah waxa uu kusoo beegmayaa xilli ciidamada KDF-ta dowladda Kenya ee duulaan gaaleedka ku jooga koonfurta Soomaaliya ay waajahayaan dhiig bax joogta ah dhowaan waxaa sidan oo kale ay Mujaahidiintu qarax culus soohdin beenaadka kula eegteen shaqaalaha dhismaha darbiga Kenya qaraxaas oo dhaliyay khasaare dhimasho iyo mid dhaawac oo soo gaaray shaqaalaha dhismaha darbiga Kenya.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
