Tafaasiil dheeraad ah waxay kasoo baxayaan qarax culus oo saacadihii lasoo ciidamada shabaabul Mujaahidiin ay la eegteen maleeshiyaad murtadiin ah oo ku sugnaa gudaha degmada Afgooye ee wilaayada shabeellada hoose.
Qaraxa waxaa fuliyay guutada qarayada Mujaahidiinta ee ka howlgala wilaayada Sh/hoose waxayna ku beegsadeen askar ka tirsan ciidamada dowladda Ridada xilli ay ku sugnaayeen gudaha degmada Afgooye.
Ilo wareedyo ku sugan gudaha degmada waxay xaqiijiyeen in qaraxa oo ahaa mid si wanaagsan loo farsameeyay uu haleelay maleeshiyaad murtadiin ah ayna dhaawacyo ku noqdeen 3 askari oo ka mid ahaa askartii la qarxiyay.
Qaraxan ka dhacay Afgooye waxa uu daba socday qarax kale oo saacadihii lasoo dhaafay ciidamada shabaabul Mujaahidiin ay ka fuliyeen gudaha degmada Jannaale qaraxaas oo lagu dilay 2 askari halka sidoo kalena lagu dhaawacay saddex kale.
Dhanka kale Faahfaahinno dheeraad ah waxay kasoo baxayaan weerar jidgal ah oo saacadihii lasoo dhaafay ka dhacay deegaan dhaca duleedka magaalada Baydhaba ee xarunta gobolka Bay.
Weerarka kamiinka oo lala beegsaday maleeshiyaad murtadiin ah oo kasoo baxay deegaanka Goofgaduud Buurey waxaa lagu dilay 9 askari halka lagu dhaawacay 7 kale waxayna xoga soo baxaya sheegayaan in goor dambe dhaawacii uu u dhintay hal askari taas oo dhimashada maleeshiyaadka guud ka dhigtay 10 askari oo dhammaantood ka tirsanaa maleeshiyada maamulka Koonfur galbeed waxaa xusid mudan in weerarkan jidgalka lagu soo furtay 6 qori oo AK7 ah.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
