Murtadiintii kooxda Villa Somaliya u qaabilsanaa bariga wilaayada Hiiraan, gaar ahaan deggaannadii dhawaan ay mujaahidiintu dib ula wareegeen ayaa afka furtay si cadna u sheegay in aanay weerar dambe oo rogaal-celin ah ku qaadi karin deegaannadii lagu soo dabbaalay ku-dhaqanka Shareecada, ayna arrintaas u taallo Xasan Gurguurte iyo kooxdiisa.
Guddoomiyahii kooxda riddada ugu magacawnaa degmada Moqorkori ka hor intii aanay mujaahidiintu la wareegin murtad Maxamed Cabdi Mocow oo warbaahinta la hadlay ayaa shaaca qaaday in ka maamul ahaan aanay awoodi karin in kalidood ay sameeyaan weerar rogaal-celin ah oo ay ku ekeeyaan deggaannada ay mujaahidiintu la wareegeen sida Maxaas iyo Moqokori.
Murtad Macow ayaa dhanka kalena qiray guul-darrada ay kala kulmeen dagaalkan ashahaado-la-dirirka ah ee ay la galeen mujaahidiinta.
Hadalladan quusta ah ayaa muddooyinkan dambe si isdaba joog ah uga soo yeerayay murtadiintii ku waayo-arkay dhimbilaha dhamacda rasaasta ee geesiyada Tawxiidka, gaar ahaan weerarradii jihaadiga ahaa ee Allaah fadligiis ay ku furteen deggaanno badan oo dhaca labada Shabeelle iyo Hiiraan.
About The Author
