Iyadoo shalay ay maalintii 3-aad si toos ah u xirnaayeen goobaha ganacsiga ee magaalada Boosaaso, ayay dadweynaha ku dhaqan magaaladaasi cabasho ka muujiyeen xirnaanshaha ganacsiga oo u xirmay lacago baad ah oo ay soo rogeen madaxda maamulka ashahaada la la dirirka Puntland iyo shirkadda uu Imaaraadku leeyahay ee DP-world.
Inta badan goobaha ganacsiga magaalada Boosaaso ayaa weli ah kuwa xiran oo haawanaya, waxayna taasi saameysay bulshada magaalada, sicirka suuqa ayaa cirka isku shareeray.
Dadka sida wayn ay u saameysay xirnaanshaha dekadda iyo suuqyada ugu waawyn magaalada Boosaaso waa dadk danta yar, gaar dadkii muruqmaalka ahaa ee ka xamaalanayay dekadda, bakhaarada iyo goobaha ganacsiga kale ee magaalada, waxayna sheegeen inay shaqo la’aan ku dhacday.
Mid ka mid ah muruqmaalka warbaahinta la hadlay oo ka ka shaqeysan jiray dekadda magaalada Boosaaso, ayaa sheegay in muddo laba isbuuc ah uu shaqo la’aan yahay, maadaaama dekaddii laga xirtay, markii uu magaalada usoo wareegay na goobihii ganacsiga si la mid ah dekadda ay u xirmeen lacagaha baadda ah ee lagu soo rogay.
Marka laga soo tago culaysyada dhaqaale ee ka taagan Boosaaso, lacagaha baadda ee ee uu maamulka ashahaada la dirirka ah ee Puntland kusoo rogay dekadda magaaladaas, waxaa dhanka kale saameynteeda looga dareemayaa magaalooyinka kale ee maamulkaasi ka arrimiyo sida Garoowe, waxaa sidoo kale xirnaanshaha dekadda laga dareemay gobollada dhexe iyo dhulka Soomaali-galbeed.
Labadii isbuuc ee lasoo dhaafay ma jirin wax kasoo degay dekadda iyo sidoo kale wax laga dhoofiyay toona, dadka wax falanqeeya waxay sheegayaan in sii socoshada go’aankan baadda ah ama fulintiisa uu noqon doono mid culays dhaqaale ku noqon doona dadka shacabka ah, wallow ganacsatadu si cad u diideen oo ay sheegeen inaysan bixin karin lacagaha laban-laabka ka badan ee lagu kordhiyay.
About The Author
