Kadib markii shaley madaxa kooxda ridada Soomaaliya uu tagay xarunta gudiga doorashooyinka ee uu magacaabay kadibna sheegay inuu iska soo diinwaan galiyey wuxuu ku sheegay doorashada Qof iyo Cod ee uu doonayo inuu qabto ayaa dhalisay hadalheyn ballaaran, iyadoona arrintaasi ay ka felceliyeen Mucaaradka.
Tallaabada uu qaaday Xasan Gurguurte ayaa dhalisay shaki weyn oo ku aadan inaysan wax natiijo ah aysan kasoo bixikarin shirarka u socda Mucaaradka iyo Gurguurte, xilli Gurguurte uu fulinayo qodabada ay diidan yihiin Mucaaradka ee la isku hayo.
Murtad Cabdiraxmaan Cabdishakuur oo ka tirsan xubnaha Mucaaradka oo bartiisa Facebook kusoo qoray qoraal uu uga felceliyey tallaabada uu qaaday Xasan Gurguurte, isagoona qoraalkiisa ku yiri sidaan: “Qof iyo Qori” oo uu ula jeeday inay haddii ay Mucaarad yihiin ay qaadan doonaan qoriga, islamarkaana ay kasoo horjeesan doonaan qorshaha Gurguurte.
Hadalka murtad Cabdiraxmaan Cabdishakuur ayaa sidoo kale dhiliyey hadalheyn ballaaran, iyadoo dadka qaar ku fasireen inuu fashil qarka u saaran yahay kulanka lagu wado maanta uu dhexmaro Gurguurte iyo Mucaaradka, maadaama labada dhinac sii kala fogaanayaan.
Kooxda ridada Soomaaliya ayaa muddooyinkii lasoo dhaafay waxay waday qorshe ay ku sheegeen isdiiwaan galinta doorashada, iyadoona dadka shacabka ka qafaalanaya wadooyinka Muqdisho, kadibna la leeyahay xoog isku diiwaan gali, mid kamid ah haweenka Muqdisho ee arrintaasi ku dhacday ayaa warbaahinta kaga warantay.
Lama oga halka uu ku biya shuban doono khilaafka u dhaxeeya Gurguurte iyo Mucaardkiisa, xili muddo ka badan 2 bilood ay socdeen kulamo labada dhinac u dhaxeeyey oo ilaa haatan wax natiijo ah aysan kasoo bixin.
About The Author
