Madaxweynaha Mareykanka Donald Trump ayaa xalay sheegay inuusan ku qanacsanayn soo-jeedintii ugu dambeysay ee Iiraan ee ku saabsan wadaxaajoodka dagaalka Iiraan, halka wasiirka arrimaha dibadda Iiraan uu sheegay in Tehran ay diyaar u tahay diblomaasiyad haddii Mareykanku beddelo habka uu wax u wado.
Hadalladan Trump kasoo yeeray habeennimadii xalay ayaa la sheegay inay muujinayaan in is-mariwaaga ku saabsan dagaalka laba bilood jirsaday uu sii socon doono, inkastoo uu doonayo inuu soo afjaro colaadda Iiraan oo aad looga soo hor-jeedo gudaha Mareykanka.
Dhinaca kale, xiriirka Mareykanka iyo xulafadiisa NATO ayaa sii xumaaday xalay arrinta Iran awgeed, kadib markii Mareykanku ku dhawaaqay inuu kala baxayo 5,000 oo askari oo ku sugan waddanka Jarmalka.
Trump wuxuu ku hanjabay inuu la bixi doono ciidankiisa sababo la xiriira khilaaf soo kala dhex-galay raysal wasaaraha Jarmalka Friedrich Merz (Firiidreysh Meyariz), kaas oo sheegay in Iiraaniyiintu ay ceebeeyeen Mareykanka isla markaana Washington aysan lahayn qorshe ay uga baxo dagaalka.
Sarkaal sare oo ka tirsan Pentagon-ka, oo magaciisa qariyay, ayaa sheegay in hadallada Jarmalka ay ahaayeen “aan habboonayn oo aan wax tar lahayn,” isagoo xusay in madaxweynuhu si sax ah uga falcelinayo hadalladaas waxyeellada leh.
Sarkaal sare oo ka tirsan Pentagon-ka, oo magaciisa qariyay, ayaa sheegay in hadallada kasoo yeeray Jarmalku ay ahaayeen kuwo aan habboonayn, isagoo xusay in madaxweynuhu si sax ah uga falcelinayo hadalladaasi oo uu ku tilmaamay kuwo waxyeello ku ah Maraykanka.
Inkasta oo Mareykanka iyo Iiraan ay hakiyeen dagaalka tan iyo xabbad-joojinta wixii ka dambeeyey, haddana labada dal waxay weli isku hayaan arrimo badan, oo ay ku jiraan barnaamijka nukliyeerka Iiraan iyo xakamaynta marin-biyoodka Hormuz. Iyado labada dhinac weli aysan isku raacin kulan labaad, kadib shir gaaban oo saraakiil sare ay dabayaaqada bishii dhamaatay ee April ku yeesheen Islamabad.
Madaxweynaha Maraykanka, mar uu xalay aqalka cad kula hadlayay saxafiyiinta waxa uu yiri “Waxay rabaan heshiis, laakiin… kuma qanacsani,…waxay codsanayaan waxyaabo aanan ogolaan karin,” Sidoo kale Trump wuxuu intaas ku daray in wada-xaajoodka ay la leeyihiin Iiraan uu weli ka socdo dhinaca khadka telefoonka.
Lama oga waxa saxda ah ee Iiraaniyiintu ku soo gudbiyeen soo jeedintooda cusub ee madaxweynaha Maraykanku sheegayo inay soo gudbiyeen, iyadoo Wasaaradda Arrimaha Dibadda Iiraan ay ka dayrisay rajada wada-hadalladaasi isla markaana ka digtay in aan la filan natiijo deg-deg ah.
Sidoo kale goor dambe oo isla xalay ah, Donald Trump mar uu khudbad ka jeediyey Florida, in Maraykanku aanu si deg-deg ah u joojin doonin dagaalka, maadaama ayuu yiri, suuro-gal ay tahay in saddex sano ka bacdi dhibaatadu ay dib u soo laabato.
Sidoo kale goor dambe oo isla xalay ah, Donald Trump mar uu khudbad ka jeediyay Florida, wuxuu sheegay in Maraykanku aanu si degdeg ah u joojin doonin dagaalka, maadaama ayuu yiri haddii la hakiyo dagaalka ay suurtogal tahay in dhibaatadu kusoo laaban karto muddo dhowr sano gudahood ah.
Wasiirka arrimaha dibadda Iiraan Cabbaas Caraaqji ayaa sheegay in dalkiisu diyaar u yahay diblomaasiyad haddii Mareykanku joojiyo habka iyo hadallada qaab-darrada ah ee hanjabaadda iyo kicinta isugu jira, isagoo intaa ku daray in ciidamada Iiraan ay diyaar u yihiin difaaca dalkooda.
Warar kale ayaa sheegaya in Iran ay hawl-gelisay difaacyada hawada, isla markaana qorsheyneyso jawaab ballaaran haddii la weeraro, iyadoo qiimeysay suurto-galnimada in weerar Mareykanka iyo Yahuuddu ay isku dayaan in weerar kale oo nafla-caarinimo ah ay soo qaadaan.
Dhanka kale, Trump wuxuu u sheegay hoggaamiyeyaasha Kongareeska inuusan u baahnayn oggolaanshahooda si uu dagaalka u sii wado wixii ka dambeeya waqtigii kama dambaysta ahaa oo ku ekaa Jimcihii shalay, maadaama ayuu yiri xabbad-joojintu ay horey u jirtay. Waxaanu ku andacoonayaa in uusan ahayn dagaal cusub oo u baahan fasax cusub.
About The Author
