Wararka ka imaanaya dalka Maali ayaa sheegaya in gudaha dalkaasi uu ka dhacay weerar khasaara badan lagu gaarsiiyay askarta dowlada daba dhilifka dalkaasi.
Weerarka oo loo adeegsaday kamiin ayaa ka dhacay wadada isku xirta magaalooyinka Dagoffrey iyo Nampala oo wada dhaca bartamaha dalkaasi.
Kamiinka ayaa loo dhigay kolanyo gaadiid ah oo ay la socdeen saraakiil iyo askar ka tirsan dowlada daba dhilifka dalka Maali kaasi oo sababay khasaara nafeet iyo mid hantiyadeed oo soo gaartay dowlada dalkaasi.
Waziirka ganacsiga ahna afhayeenka dowlada daba dhilifka Maali Cabdul Caziiz Konati oo war qoraal ah soo saaray ayaa xaqiijiyay in kamiinkaasi uu jiro islamarkaana looga dilay Sagaal askari Shan kalane looga dhaawacay.
Mas’uuliyadda weerarkan waxaa sheegtay Jamaacada U gargaaridda Islaamka iyo Muslimiinta oo ah Jamaaco taabacsan Mujaahidiinta Al-qaacidah ee dhulka Magribul Islaam.
Mujaahidiinta ayaa xusay in weerarkaasi dhimasho iyo dhaawac ay ku noqdeen ku dhawaad Labaatan askari oo ka tirsan maleeshiyaatka daba dhilifka Maali oo Sideed ka mid ah ay ku dhinteen goobta kamiinka uu ka dhacay.
Bayaanka Mujaahidiinta ayaa sidoo kale lagu xusay in weerarkaasi lagu gubay mid ka mid ah gaadiidka dagaalka dowlada Maali mid kalane lagu ganiimeystay oo isagoo bad qabo gacanta ay ku dhigeen ciidamada Mujaahidiinta.
Sidoo kale Mujaahidiinta waxey gacanta ku dhigeen tiro hub ah oo ay ka carareen askarta weerarka dhabba galka ah loogu dhigay bartamaha dalka Maali’bayaanka ayaa lagu xusay in Mujaahidiinta weerarkaasi uu kaga dhaawacmay hal Mujaahid kaasi oo dhaawiciisa fududyahay.
Halkan Hoose Ka Akhriso Qoraalka Mujaahidiinta.
Calamaa.com
About The Author
