Faahfaahinno dheeraad ah, ayaa kasoo baxaya dagaal culus oo shalay subax ciidamada Mujaahidiintu ku qaadeen saldhigga ciidamada saliibiyiinta Kenya kaga suganyihiin deegaanka Sheekh Barrow ee hoostaga degmada Lafeey ee gobolka Mandheera ee ku hoos jira gumeysiga Kufaarta Kenya.
Dagaalka oo la isku adeegsaday hubka noocyadiisa kala duwan, ayaa khasaare culus lagu gaarsiiyay ciidanka Kenya, waxaana ilo wareedyo muhiim ah xaqiijiyeen in dagaalka kaddib ciidamada Kenyaatiga isku dayeen inay bannaanka uga soo baxaan xerada oo ay Roonda sameeyaan, balse waxay Miino la kacday gaari Taw ah oo goobta ku gubtay, waxaana halaagsamay ciidankii Kufaarta Kenya ee Taw-ga la socday.
Inta la hubiyay howlgalkan waxay ciidamada Mujaahidiintu ku dileen ugu yaraan 5 askari oo Kenyaati ah, halka ay ku dhaawacmeen 3 askari kale oo Kenyaati ah, waxaana howlgalka lagu gubay gaari Taw Ah.
Dhanka kale, howlgal qarax ah oo ciidamada Mujaahidiintu ka fuliyeen gudaha degmada Jannaale, ayaa lala eegtay goob ay ku sugnaayeen maleeshiyaadka Riddada, waxaana qaraxaasi ku dhaawacmay laba askari oo murtadiin ah.
Isla Sh/hoose, waxay saacadihii lasoo dhaafay ciidamada Mujaahidiintu dagaal culus oo toos ah ku qaadeen xerada maleeshiyaadka murtadiinta ee Buundada Sabiid ee hoostagta degmada Afgooye, waxaana halkaas ka dhacay dagaal la isku adeegsaday hubka noocyadiisa kala duwan.
Sidoo kale, ciidamada Mujaahidiintu waxay saacadihii lasoo dhaafay madaafiic ku garaaceen saldhigga ciidamada saliibiyiinta xabashida Itoobiya ee degmada Bardaale ee wilaayada Baay, waxayna madaafiicdu ku dhaceen gudaha xerada xabashida.
Sidaas oo kale, waxay ciidamada Mujaahidiintu weerar culus ku mireen saldhigga maleeshiyaadka murtadiinta ah ku leeyihiin degmada Waajid ee wilaayada Bakool, faahfaahin dheeraad ah lagama helin weerarkaas iyo khasaaraha uu gaystay.
About The Author
