Wararka ka imaanaya dalka Afghanistaan ayaa sheegaya in weerar aad u ballaaran uu hadda ka socnayo saldhig millatari oo ku yaalla Koonfur bari Afghanistaan, ka dib weerar xoog ku gal ah oo halkaasi ay ku qaadeen ciidamo ka tirsan Mujaahidiinta Imaarada islaamiga Afghanistan.
Weerarkan ayaa ku billowday camaliyad Istish-haadi ah oo uu fuliyay Mujaahid ka tirsan guutada istish-haadiyiinta Mujaahidiinta Imaarada islaamiga afghanistaan, kaas oo gaari waxlxaha qaraxa laga soo buuxiyya ku dhuftay saldhig ciidan oo ku yaalla degmada Gardiz oo ka tirsan gobolka Paktiya ee koonfur bari Afghanistan.
War rasmi ah oo kasoo baxay imaarada islaamiga ee Afghanistan ayaa lagu sheegay in ciidamadooda ay weerar xoog ku gal ah ka wadaan saldhig millatari oo ay ku sugnaayeen maleeshiyaadka xukuumadda ridada Kaabul kaas oo ku billowday camaliyad istish-haadi ah ka dibna ay u daateen rag Inqimaasiyiin ah iyagoona toogasho ka bilaabay gudaha saldhigga, waxaana la sheegaya in qaybo ka mid ah xerada ay gabi ahaanba burburtay.
Imaarada islaamiga ah waxay sheegtay in saldhiggan laga soo abaabuli jiray weerarada ka dhanka ah shacabka reer Afghaanistaan iyo Mujaahidiinta, balse ay saaka Mujaahidiinta u suura gashay inay weerar aad u xooggan ku beegsadaan saldhigaasi.
Khasaare xoog leh ayaa ka dhashay weerarkan waxaana lasoo sheegaya in tobaneeyo ka tirsan maleeshiyaadka xukuumadda Ridada Kaabul ay dhimasho iyo dhaawac ku noqdeen weerarka ka socda koonfur bari afghanistaan.
Calamada.com
About The Author
