Wararka ka imaanaya magaalada caasimadda ah ee Muqdisho, ayaa xaqiijinaya in diyaarad nooca kuwa aan duuliyaha lahayn ay dowladda Riddada ee Turkiga uga soo dhacday garoonka diyaaradaha caalamiga ah ee magaaladaasi.
Ilo wareedyo xog-ogaal ah, ayaa xaqiijiyay in galabta diyaarad daroon ah oo ay leeyihiin ciidamada Turkida ay ku soo dhacday garoonka diyaaradaha Muqdisho. Diyaaradaan oo nooceedu ahaa Bayraktar TB2 ayaa sida xogta lagu helay markii hore garoonka ka duushay salaadii casirka, waxayna soo laabatay muddo saacad ku dhaw kadib.
Ilo wareedyadu waxay intaas ku dareen markii ay isku dayday inay soo caga-dhigato ayay dhacday halkaas ayayna ku burburtay.
Dab ayaa ka kacay goobtii ay diyaaradu ku dhacday arinkaas oo keenay in garoonka muddo uu xirnaado inta burburka diyaarada meesha laga qaadayay.
Diyaaradaan Bayraktar TB2 ayaa kamid ah diyaaradaha ay Turkidu ku duqeeyaan dadka shacabka, waana markii ugu horeysey oo inta la ogyahay ay Turkida diyaarad uga burburto Soomaaliya.
About The Author
