Ciidamada Shabaabul Mujaahidiin ee ka jihaada gobolka Laamu ee ka mid ah dhulalka muslimiinta balse ay xoogga ku haysato dowladda kaafiradda ah ee Kenya waxay weerar isugu jira qarax iyo dhabb-gal ah la beegsadeen kolanyo ciidamo saliibiyiin Kenyaan ah oo ku socdaalayay inta u dhaxeya deegaannada Ijaara iyo Sanga-Iloow ka tirsan gobalka Laamu.
Saraakiil ka tirsan ciidamada mujaahidiinta waxay Andalus u xaqiijiyeen in qaraxa uu si wanaagsan u haleelay gaari nooca Kooyalka ah oo ay wateen askarta saliibiyiinta Kenya, waxaa la xaqiijiyay in gabi ahaan qaraxa uu burburiyay gaariga Kooyalka ah, waxayna mujaahidiintu isdul taageen bakhtiga 10 askari oo Kenyaati ah.
Ciidamada mujaahidiintu waxay sidoo kale howlgalkan kusoo qaniimeysteen qori PKM ah, Qori M16 ah, 4 qori AK47 ah iyo 12 Qasnadood oo ay Rasaas ka buuxaan, howlgalkan ayaana kusoo beegmay xilli ciidanka mujaahidiinta ee ka jihaada dhulalka NFD iyo Laamu ay sare u qaadeen howlgalladooda ka dhanka ah saliibiyiinta Kenya.
22-kii bishan Dul-qicdah ayay ahayd markii ay ciidamada mujaahidiintu weerar culus oo isugu jiray kamiin iyo qarax la beegsadeen kolanyo ciidamo saliibiyiin Kenyaan ah oo ku socdaalayay inta u dhaxeysa deegaannada Minimani iyo Kiyuunga ee ka tirsan gobolka Laamu, qaraxa oo si gaar ah haleelay gaari nooca Taw-ga ah ayaana sababay burburka gaarigaas, halka dhamaan askartii la socotayna ay u qaybsameen kuwa dhintay iyo kuwa dhaawacmay.
About The Author
