Maanta oo jimco ah waxay ciidamada Yahuuddu xasuuq hor leh ka gaysteen magaalada Gaza, halkaas oo sidoo kale ay ka dhaceen dagaallo xooggan oo ciidanka gumeystaha lala galay.
Ugu yaraan 9 qof oo falastiiniyiin ah ayaa la xaqiijiyay inay shahiideen ka dib markii diyaarad Yahuuddu leedahay duqeysay guri ku yaalla xaafada Al-Daraj ee dhacda bartamaha magaalada Gaza.
Ilo wareedyo kale oo falastiiniyiin ah ayaa soo sheegay in dadka shuhadada ah ay ku jiraan caruur iyo haween kasoo jeeda qoyska duqaynta cadowtooyo lagu beegsaday.
Duqaynta cusub ayaa imaanaysa saacado un kadib Xasuuqii laga soo tabiyay Mukhayamka Al-shaadhi’I ee dhaca galbeedka marinka Gaza, halkaa oo lagu dilay ugu yaraan 12 qof oo Falastiiniyiin ah, iyo sidoo kale Xasuuqii Kaamka Jabalia, halkaas oo ay ku shahiideen 25 qof.
About The Author
