Xasuuqyada bahalnimo ee Yahuuddu ka wado marinak Gaza, ayaa si toos ah u socda maalintii 420-aad, waxaana xasuuqyadan ugu dambeeyay kuwa aan kala sooc lahayn oo gumeystuhu ka fuliyay Nuseyraat, Al-Maghaazi, Deyrul-balax, Beyt Laahiya ee Gaza.
Ilo wareedyo dhanka caafimaadka ah ayaa soo sheegay in 75 Falastiiniyiin ah oo u badan haween iyo caruur ay ku shahiideen laba xasuuq oo Yahuuddu ay ka gaysteen Beyt Laahiya, oo dhacda waqooyiga marinka Gaza.
Sidoo kale 45 qof oo falastiiniyiin ah ayaa ku shahiiday duqeymaha ciidanka gumeystaha tan iyo waaberigii hore ee maanta, waxaana 24 ka mid ah ay ku shahiideen duqayn ka dhacday xerada Nuseyraat.
Xasuuqyada ayaa si joogta ah uga socda marinka Gaza, dadka ku shahiidaya waxay u badanyihiin haween iyo caruur, waxaana dhanka kale si habsami leh u socda iska caabinta xooggan ee ay wadaan kooxaha muqaawamada.
About The Author
