Dhaq dhaqaaqa jihaadiga ah ee Al Shabaab ayaa sheegtay mas’uuliyadda weeraro is xigxigay oo maanta gelinkii dambe ka dhacay degmooyin katirsan gobolka Hiiraan ee dhaca bartamaha Soomaaliya.
Bayaan kasoo baxay xafiiska warfaafinta Al Shabaab ayaa lagu sheegay in weerarka hore ee ka dhacay Buula Burte lagu beegsaday isku imaatin ay maleeshiyaadka Macaawisleyda iyo kuwa dowladda ay ku leeyihiin Buundada degmada.
“Ciidamada Mujaahidiinta Wilaayada Islaamiga ah ee Hiiraan waxay hawgallo milatari ka fuliyeen Magaalooyinka cadawgu haysto ee Buulaburte iyo Jalalaqsi. Hawlgalka koowaad waxay Mujaahidiintu la beegsadeen saldhiga ciidamada ridada ah ee Jabuuti iyo xarunta maamulka ridada ah ee magaalada Jalalaqsi” ayaa lagu yiri warka kasoo baxay Al Shabaab.
Sawirro lagasoo qaaday goobta uu qaraxa Buula Burte ka dhacay ayaa muujinayay burbur xooggan oo gaaray Buundada degmada oo ah halkii ay isku imaatinka ku lahaayeen maleeshiyaadka labeegsaday.
Sidoo kale culus ayaa daqiiqado kadib beegsaday saldhig kuyaal degmada Jalalaqsi halkaas oo ay ku sugnaayeen saraakiil katirsan ciidamada ATMIS gaar ahaan kuwa Jabuuti iyo mas’uuliyiin katirsan maamulka Hirshabeelle.
“Hawlgalka labaad waxay sidoo kale Mujaahidiintu la beegsadeen saldhigyada ciidamada ridada ah iyo maleeshiyada macawiislayda loo yaqaano ee ku yalla buundada magaalada Buulaburte.
Khasaare iskugu jira dhimasho, dhaawac iyo burbur ayaa cadawga kasoo gaaray hawgallada ay Mujaahidiintu ka fuliyeen magaalooyinka Buulaburte iyo Jalalaqsi. Dhimashada iyo dhaawaca cadawga waxaa kamid ah masuuliyiin, saraakiil iyo ciidamo ka tirsan cadawga oo ku halaagsamay hawlgallada.
Faahfaahin intaas ka badan dib ayaan kasoo gudbin doonaa Insha’Allaah.
Xarakada Mujaahidiinta Al-Shabaab waxay u dagaallameysa dhawritaanka badqabka Ummadda Muslimka ah, hirgelinta Shareecada Islaamka iyo inay dhamaan dhulalka Muslimiinta ah ka xoreyso gaalada iyo murtadiinta dabadhilifka u ah. Xarakada Mujaahidiinta Al-Shabaab waxay mar kale ku celinaysaa dalabkii ahaa in dadka Muslimiinta ah ay ka dheeraadaan saldhigyada, xarumaha iyo xafiisyada cadawgu ku leeyihiin degmooyinka iyo deegaanada ay xoogga uga haystaan ummada Soomaaliyeed ee Muslimka ah” ayaa markale lagu yiri bayaanka Xarakada.
Weeraradan ayaa kusoo aadaya xilli gobolka Hiiraan ay bilihii lasoo dhaafay ay ka socdeen dagaallo culus oo udhaxeeyay ciidamo huwan jinsiyado kala duwan oo isku dhinac ah iyo xoogaga Al Shabaab.
“Ugu dambeyn jihaadiyiinta ayaa ku goodiyay in ay sii wadayaan beegsiga ay ku hayaan shisheeyaha iyo maleeshiyaadka dowladda ee duullaanka ku qaaday wilaayaatka islaamiga ah.
Waxay Xarakada Mujaahidiinta Al-Shabaab ballan ku qaaddeysaa inay sii wadi doonto Jihaadka ka dhanka ah isbahaysiga caalamiga ah ee saliibiyiinta iyo dabadhilifyadooda murtadiinta ah ilaa ay geyiga Soomaaliyeed ka saareyso cadowga hororka ah ee ku soo duuley, iyo illaa diinta dhamaanteed ay Allaah keliya u sugnaaneyso. Allaah, subxaanahu watacaalaa, wuxuu yiri:
وَقَاتِلُوهُمْ حَتَّى لَا تَكُونَ فِتْنَةٌ وَيَكُونَ الدِّينُ لِلَّهِ فَإِنِ انْتَهَوْا فَلَا عُدْوَانَ إِلَّا عَلَى الظَّالِمِينَ” ayaa lagusoo gaba gabeeyay bayaanka Al Shabaab.
Halkan ka akhriso bayaanka oo PDF ah
