Magaalada Baydhaba ee xarunta u ah maamulka ashahada la dirirka ah ee Koonfur galbeed, waxaa maalintii shalay ka qarxay dagaal saacado badan qaatay oo gudaha magaaladaasi ku dhexmaray maleeshiyaad murtadiin ah oo kala taabacsan madaxa maamulkaas murtadka lagu magacaabo Cabdicaziiz Laftagareen iyo mid ka ka mid ah xubnaha mucaaradkiisa.
Dagaalka oo qaatay inka badan 8 saacadod oo xiriir ah waxaa ka dhashay khasaare badan oo isugu jira dhimasho, dhaawac iyo burbur soo kala gaaray dhinacyada sida ay soo wariyeen ilo wareedyo ku sugan magaalada.
Inkastoo xaaladda magaalada ay maanta tahay mid deggan haddana, waxa dhanka kale sii kordhay khasaaraha ka dhashay isku dhacyadii shalay magaalada Baydhaba ku dhexmaray maleeshiyaadka kala taabacsan Laftagaren iyo kuwa mucaaradka ku ah nidaamkiisa.
Khasaaraha dhimasho ayaa gaaray inka badan 21 askari oo labada dhinac ah, halka dhaawacuna sii cagaganayo 30 askari, sida laga soo xigtay ilowareedyo deegaanka ah.
Murtad Maxamed Ibraahim oo ka mid ah xubnaha mucaaradka ku ah maamulka uu madaxa u yahay murtad C/cziiz Laftagareen, ayaa sheegay in maleeshiyaad daacad u ah murtadkaas ay weeerar bareer ah kuso qaadeen gurigiisa oo kuyaal agagaarka isbartiibada xaafada Bardaale ee magaalada Baydhaba qorshehaas oo uu sheegay in muddo dheer uu ka shaqaynayay maamulka uu fadhigiisu yahay Baydhaba.
Waziirka amniga maamulka ashahaada la dirirka Koonfur galbeed murtad Maxamed Isaaq Cabdi oo ka hadlayay dhacdadii shalay ka dhacday xarunta maamulkiisa ayaa sheegay inay maleeshiyaadkiisu ka jawaab celiyen weerar kaga yimid maleeshiyaad daacad u ah mucaaradka xilli ay Roondo ku jireen, isagoo intaa ku daray inay iska celin doonaan mucaaradka.
Isku soo wada duubo dhacdooyinkii shalay ka dhacay magaalada Baydhaba ayaa muujinaya heerka gacan ka hadalka ah ee ay gaareen xiisadaha siyaasadeed ee ka aloosan madaxda maaulkaas iyo xubnaha mucaaradka ku ah, iyadoo la filan karo in markale ay isku dhacyo dhex maraan, maadaama uu cirka isku shareeray khilaafka dhinacyaduna ay goodin isu jeedinayaan.
Halkan Ka Dhagyso Codka Murtad Fargeeti.
Halkan Ka Dhagayso Codka Murtad Maxamed Isxaaq.
About The Author
