Siyaasadaha isdiidan ee ka jira geeska qaaradda Afrika ayaa saameyn ku yeeshay awoodaha caalamiga ah ee doonaya in ay gacanta ku dhigaan kheyraadka dhax ceegaagga mandiqadda iyo marin biyoodyada muhiimka ah.
Dowladda dabadhilifka Imaaraadka Carabta ayaa la sheegay in ay si xowlli ah isugu fidinayso bariga afrika iyadoo adeegsanaysa maal iyo calooshood ushaqeystayaal caalami ah iyo kuwa maxalli ah.
Ismaaciil Cumar Gelle oo ah madaxweynaha xukuumadda Riddada Jabuuti ayaa eedaymo culus ujeediyay Imaaraatka Carabta oo uu ku tuhmay in ay qas qulqulatooyin siyaasadeed iyo mid amni ka waddo geeska Afrika.
Geelle oo wareysi siinayay warbaahinta RFI ee ku hadasha afka dowladda Faransiiska ayaa sheegay Imaaraatka oo ku gambanaya maalgashiyo maaliyadeed uu awood melleeteri ka sameysanayo geeska Afrika.
“Imaaraatka Carabta ayaa qaaday xamlo maalgashin oo ay ku baxayso 110 Milyaar oo dollar ayaa qaaradda Afrika kawada dhoollatus istiraatiijiyadeed oo hadafkiisu yahay is ballaarin melleteri balse boor isku qaris looga dhigay maalgashi dhaqaale”ayuu yiri Ismaaciil Cumar Geelle.
Wuxuu intaas ku daray in dowladaha gobolka ay walaac ballaaran ka muujinayaan saameynta ay xukuumadda Abu Dubai ku leedahay,dekadaha,isgaarsiinta iyo arrimaha Lojiistikada “Imaaraatiyiintu qalqal weyn iyo deganaanshiyo la’aan ayay ku hayaan mandiqadda,maalgashiyadan aan arkeyno ma ahan mashaariic dhaqaale ee waa ujeedooyin melleteri oo uu halis ku gelinayo madax banaanida dowladaha afrika” ayuu hadalkiisa sii raaciyay Geelle.
Madaxweynaha xukuumadda Ridada Jabuuti ayaa wareysigan uu bixiyay ku xaqiijiyay markii ugu horraysay in ay iska diideen dalab uga yimid Imaaraatka oo ahaa in ay saldhig melleteri ka sameysato xeebaha Jabuuti.
Waxaa xusid mudan in dowladda Imaaraatka ay gacanta ku hayso sedax kamid ah dekadaha caalamiga ah ee dalka Soomaaliya iyadoona magaalooyinka Boosaaso iyo Berbera ka yagleeshay saldhigyo melleteri halka ay maamusho marsada magaalada Kismaayo.
About The Author
