War qoraal ah oo uu Taliska ku daabacay bartooda X ayaa lagu sheegay in weerarka oo ahaa mid aan toos aheyn uu dhacay Khamiistii lasoo dhaafay ee todobaadkii tagay kaasoo lala eegtay qeybta ciidamada Mareykanka ay ka dagan yihiin garoonka magaalada Kismaayo.
Mareykanka ayaa dafiray inuu soo gaaray khasaaro isugu jira dhimasho iyo dhaawac, iyo burbur hantiyadeed oo soo gaaray saldhiggooda iyo gaadiidkii yiilay halkaasi.
Bayaan kasoo baxay Mujaahidiinta ayaa lagu sheegay in howlgal Mujaahidiinta ay khamiistii ka fuliyeen garoonka magaalada Kismaayo qeybta ay dagan yihiin ciidamada Mareykanka lagu beegsaday saldhigga Mareykanka ee halkaasi ku yaalla.
Bayaanka ayaa lagu xusay in weerarkaasi loogu nusreeynayey Muslimiinta Filistiin ay Yahuuda ku gumaadayso hubka Mareykanka uu siiyey Yahuudda.
Sidoo kale, Bayaanka kasoo baxay Mujaahidiinta ayaa lagu sheegay in howlgalkaasi uu geystay khasaaro isugujira dhimasho iyo dhaawac soo gaaray askarta iyo saraakiisha Americaanta ee saldhiggaasi ku sugnaa, iyo burbur soo gaaray gaadiid ciidan iyo xarumo muhiim ah oo saldhigga ku dhexyaalay.
Bayaanka ayaa baaq loogu diray Muslimiinta caalamka inay u kacaan sidii ay ugu nusreeyn lahaayeen walaalahooda reer Filistiin, islamarkaana ay la beegsado sahaayinada iyo saliibiyiinta iyo murtadiinta ee ka qeyb qaadanaysa gumaadka muslimiinta reer Gaza ay Yahuudda ku hayan.
About The Author
