Waxaa maanta mar kale buuq iyo sawaxan uu ka bilawday gudaha baarlamaanka feder
aalka, kadib markii la iskugu yimid fadhi ku saabsan wax-ka-bedel uu Guruurte damacsan yahay inuu ku sameeyo Distoorka lagu dhaqo kooxaha federaalka Soomaaliya.
aalka, kadib markii la iskugu yimid fadhi ku saabsan wax-ka-bedel uu Guruurte damacsan yahay inuu ku sameeyo Distoorka lagu dhaqo kooxaha federaalka Soomaaliya.Maleeshiyaad fara badan ayaa lasoo dhoobay gudaha baarlamaanka, waxaana halkaasi ka bilawday is-riix-riix iyo gacan-ka-hadal xooggan oo dhex-maray booliska iyo xildhibaannada mucaaradka ee soo hor-jeeda wax-ka-bedelka distoorka.
Mid ka mida xildhibaanada ayaa la xaqiijiyey in dhaawac uu kasoo gaarey iska-hor-imaadkan, waxaanay wararku tibaaxayaan in gudoomiyaha baarlamaanku, uu amar ku bixiyey in xoog looga saaro hoolka, dhammaan xildhibaanada mucaaradka.
Muuqaallo si weyn ugu faafay baraha bulshadda ayaa muujinaya gacan-ka-hadalka dhex maray maleeshiyaadka Gurguurte iyo xubnaha mucaaradka, iyadoo xildhibaannadu ay sheegeen in askartu ay dil ugu hanjabeen dhammaan xubnaha mucaaradka.
Qorshe la doonayay in lagu saaro xildhiaannada mucaaradka ayaa fashilmay kadib markii ay ku adkaysteen in aanay ka bixin hoolka, waxaana saacado kadib qasab noqotay in maleeshiyaadka Gurguurte ay bannaanka uga baxaan xarunta baaralamaanka.
Xalay ayay ahayd markii shir-jaraa’id oo ay qabteen xubno ka tirsan labada gole ee baraalamaanka ay sheegeen in Aadan-madoobe oo ah guddoonka baarlamaanka, uu doonayo in golaha uu marsiiyo ajande aan heshiis lagu ahayn oo gadaal uu ka riixaayo Xasan Gurguurte.
About The Author
