Xilli loollanno isdiidan ay ka jiraan geeska qaaradda Afrika ayuu maamulka Yahuudda Sahyuuniyadda xoojinayaa saameyntiisa melleteri iyo midda siyaasadeed ee mandiqadda.
Madaxweynaha Yahuudda gaalka lagu magacaabo isaaq herzog ayaa booqasho rasmi h ku tagay magaalada Addis Ababa ee caasimadda Itoobiya halkaas oo uu kulan kula qaatay Abiy Axmed.
War rasmi ah oo kasoo baxay maamulka Yahuudda ayaa lagu sheegay in socdaalka madaxweynaha maamulka ee geeska Afrika uu salka ku hayo isbedellada juquraafiyadeed ee gobolka.
ilo wareedyo ayaa sheegaya in Yahuuddu ay xoojinayso damaca Itoobiya ee ah in ay hesho marin biyood, Isaaq herzog ayaa safarkiisa Addis Ababa uga jawaabaya safarkii madaxweynaha Turki uu isbuucii hore ku tagay wadanka Itoobiya.
Dowladda Xabashida Itoobiya ayaa iskaashi amni iyo mid siyaasadeed laleh maamulka Sahyuuniyadda ee xasuuqa ku haya muslimiinta Falasdiin.
Yahuudda ayaa daba yaaqadii sanaddii lasoo dhaafay ee 2025 aqoonsi siisay maamulka ashahaadda ladirirka Somaliland iyadoona Hargeysa ay tageereen saraakiil sarsare oo uu hoggaaminayay wasiirka arrimaha dibadda.
dowladda xabashida Itoobiya ayaa doonaysa in dowlado ay kamid yihiin Imaaraatka Carabta,Yahuudda iyo Hindiya u kaashato xaqiijinta damaceeda gurrucan ee ku saabsan qabsashada xeebaha geeska Afrika.
About The Author
