Loollanka siyaasadeed iyo midka ciidan ee udhaxeeya murtadiinta ayaa gaaray meeshii ugu sarraysay, saacadihii lasoo dhaafay isbedello dhanka maamulka ah ayaa ka dhacay qaar kamid ah deegaannadii uu ka arrimanayay maamulka ashahaadda ladirirka Koonfur galbeed.
Wararka ka imaanaya gobolka Sh/hoose ayaa sheegaya iyo maleeshiyaad daacad u ah kooxda Riddada ay lawareegeen gacan ku heynta degmada Afgooye.
Wasiirka maaliyadda maamulka ashahaadda ladirirka Koonfur galbeed ayaa sheegay in shalay gelinkii hore ay maleeshiyaadka kooxda Riddada ay xoog kula wareegeen gacan ku heynta koontaroolkii weynaa ee degmada Afgooye islamarkaana laxirxiray dhammaan saraakiishii halkaas ku sugnaa.
Wuxuu carrabaabay in Afgooye ay gacantooda ka baxday isagoo arrinkaas ku eedeeyay Xasan Gurguurte, sidoo kale deegaanka Warmaxan ayaa lagala wareegay maamulka Laftagareen.
Dhinaca kale dhinacyada ayaa gurmadyo kala duwan udiraya jiidda dagaalka,degmada Buurhakaba waxaa gaaray boqolaal maleeshiyaad ah oo katirsan kooxda Riddada Soomaaliya gaar ahaan kuwa Turkigu tababaray ee loo yaqaan Gorgor.
Dhinaca kale xildhibaanno iyo saraakiil katirsan maamulka isku magacaabay Koonfur galbeed ayaa iyana abaabul dagaal iyo ciidamo aruursi kawada deegaanno dhaca duleedka magaalada Baydhabo.
Xildhibaan Saransoor iyo Maxamed Mursal oo boqolaal askari kula hadlay duleedka Baydhabo ayaa goodis udiray madaxa kooxda Riddada.
Murtadiintan ayaa sheegay in Xasan Gurguurte ay ugasoo carareen Muqdisho balse aysan Baydhabo uga carari doonin oo ay si adag udifaaci doonaan maamulka Laftagareen.
Guddoomiyihii hore ee golaha dawaaqiidda kooxda Riddada hadane ah Xildhibaan ayaa ugu baaqay maleeshiyaadka maamulka ashahaadda ladirirka Koonfur galbeed in aysan ka cararin ciidamada gulufka kusoo ay Baydhabo kuwaas oo ku sugan Buurhakaba.
Sidoo kale dowladda saliibiyadda Ingiriiska ayaa warsaxaafadeed ay soo saartay walaac uga muujisay khilaafka udhaxeeya murtadiinta, warsaxaafadeed kasoo baxay safaaradda ingiriiska ee Soomaaliya ayaa lagu sheegay in ay aad uga xuntahay in maleeshiyaadkii ay iyagu tababarka iyo zaadka siiyeen ay hadda hubka isku sitaan oo ay dagaallamayaan.
Xiisadahan ayaa kusoo aadaya xilli maamulka fadhigiisu yahay Baydhabo uu xiriirka ujaray kooxda Ridada uuna bilaabay in uu qabsado doorashada isaga ugaar ah.
About The Author
