Kadib heshiisyadii shidaal qodista ee dhaxmaray kooxda Riddada iyo dowladda Riddada Turkiga iyo tallaabadii Ankara ay markabka qoda shidaalka ay ugu soo dirtay Soomaaliya, ayaa waxaa isi soo taraya hanqaltaagga ay dowladaha duullaanka ku jooga dalka u qabaan boobka kheyraadka Soomaaliya.
Jeneraal Muhoozi Kainerugaba, oo ah taliyaha guud ee ciidanka Uganda sidoo kalane ah wiil uu dhalay madaxweynaha dalkaasi Yuweri Musefani, ayaa sheegay in dowladdooda ay dhankeeda ka doonayso shidaalka Soomalaiya.
Jeneraal Muhoozi oo hadallo kala duwan ka jeediyay fagaarayaal ayaa dowladda Turkiga ku eedeeyay in keligeed ka faa’idaysanayso kheyraadka Soomaaliya iyagana ay dalkaan kaga baxday dhiigga kumanaan askari.
Mashaariicda dhaqaale ee Turkidu ka heleen Soomaaliya ayuu sidoo kale taliyaha guud ee ciidanka Uganda sheegay in ay ku heleen dhiiga askartooda has\ddii kalane aysan arintaasi suuroobi laheyn sida uu warka u dhigay.
Isagoo dalbanaya in qeybtooda Uganda laga siiyo howlaha shidala qodista ah ee Turkidu wadaan, dhanka kalane u goodinaya xukuumadda Riddada Ankara ayuu yiri Jeneraal Muhoozi:
“Ciidankeenu waan kala baxeeynaa Soomaaliya bal aan aragno sida Turkida ay Soomaaliya ka badbaadiyaan Al shabaab.”
Wuxuu sidoo kale sheegay in haddii aan la aqbalin dalabaadkiisa ay ka fiirsan doonaan inay xiraan safaaradda dowladda Turkiga ay ku leedahay Kampala.
About The Author
