Wararka ka imaanaya degmada Baardheere ee gobalka Gedo waxey sheegayaan in weerar culus lagu qaaday kolanyo ka tirsan ciidamada Kenya oo ku socdaalayay duleedka degmadaasi.
Kolanyada kamiinka loo dhigay waxey ku socdaalayeen wadada isku xirta deegaanada Tarako iyo Fafaxdhuun oo ka wada tirsan gobalka Gedo.
Dadka deegaanka ayaa sheegay in kamiinka oo markii dambe isku badalay dagaal culus khasaara lagu gaarsiiyay ciidamada Nasaarada Kenya.
Mid ka mid ah gaadiidka gaashaman ee ay wateen kolanyada Kenyaatiga ee Kamiinka loo dhigay ayaa la gubay sidoo kale waxaa weerarka dhimasho iyo dhaawac ku noqday tiro askar Kenyaati ah.
Weerarkan ayaa kusoo aadaya xilli saaka Afar askari oo ka tirsan maleeshiyaatka maamulka gaala raaca Shariif Sakiin lagu dilay qarax kolanyo ka tirsan maleeshiyaatka maamulkaasi lagula beegsaday duleedka magaalada Baydhabo ee xarunta gobalka Baay.
Calamada.com
About The Author
