Faahfaahino dheeraad ah ayaa kasoo baxaya weerar xoog ku gal ah oo saacadihii lasoo dhaafay lagu qaaday xero ciidan oo ku taala degmada Mowdiyah ee gobalka Abyan ee Konfurta dalka Yemen.
Weerarkan xoog ku galka ah oo ay fuliyeen ciidamada Mujaahidiinta Ansaaru Shareecah ee taabacsan Mujaahidiinta Al-qaacidah ee dhulka Jaziiratul Carab ayaa lala beegsaday xero ciidan oo maleeshiyaatka calooshood u shaqeystayaasha ay tababartay dowlada daba dhilifka Imaaraatka Carabta ay ka sameysteen Konfurta dalka Yemen.
War kasoo baxay Mujaahidiinta Ansaaru Shareecah ayaa lagu xaqiijiyay in weerarka lagu daahfuray qarax loo adeegsaday gaari waxyaabaha qarxa laga soo buuxiyay oo ku qarxay gudaha xerada kadib xeradaasi ay xoog ku galeen Afar Mujaahid oo Ingimaasiyiin ah kana tirsan Katiibada Istish-haadiyiinta Mujaahidiinta Ansaaru Shareecah ee dalka Yemen kuwaasi oo la xaqiijiyay iney si buuxda ula wareegeen gacan ku heynta xeradaasi.
Qoraalka Mujaahidiinta ayaa lagu xusay in weerarkaasi oo guuleystay lagu dilay inka badan Konton askari tiro intaa la egna waa lagu dhaawacay kuwaasi oo gabi ahaantooda ah maleeshiyaatka ay tababartay Imaaraatka Carabta,sidoo kale waxaa weerarkaan lagu burburiyay tiro gaadiid dagaal ah oo saldhiga dhex taalay.
Weerarkan xoog ku galka ah ee lagu qaaday saldhiga degmada Mowdiyah ee gobalka Abyan ayaa socday saacada badan oo xiriir ah waxa uu weerarkan kusoo aadayaa xilli ciidamada Mujaahidiinta Ansaaru Shareecah ay sii kordhiyeen weerarada dhanka ah maleeshiyaatka daba dhilifka Yemen,Xuuthiyiinta iyo kuwa dowladaha isbaheysiga ee ku duulay dalka Yemen.
Calamada.com
About The Author
