Dilkan waxey maleeshiyaatka Maamulka Farmaajo ugu geysteen qof shacab ah oo ka mid ah bulshada ku dhaqan magaalada Muqdisho,iyadoona dilkan uu sigaar ah uga dhacay degmada Kaaraan.
Askari ka tirsan maleeshiyaatka Murtadiinta ayaa si ula kac ah u dilay mid ka mid ah darawalada ka xeysa gaadiidka dadweynaha BL-ka ee isaga kala goosha xaafaha magaalada Muqdisho.
Dilka ayaa yimid kadib markii ninka darawalka ah uu diiday inuu bixiyo Lacag dhan Shan Kun Shilin Somali oo baad ah taasi oo uu weydiisay askariga Murtadka ah,iyadoona muran dheer kadib askariga uu rasaas ooda uga qaaday Darawalkii taasi oo sababtay inuu isla goobta ku geeriyooda.
Goob-joogaashii goobta dilka agdhawaa iyo guud ahaan dadka shacabka ah ayaa si aad ah uga naxay sababta maleeshiyaatka Murtadiinta u dileen qofkaasi shacabka ah taasi oo ah inuu ka diiday inuu siiyo lacag dhan shan kun shilin Somali oo ah lacag aan ka badneen Labo Koob oo Shaah ah.
Waxaa xusid mudan in maleeshiyaatka dowlada ay dhowr jeer gudaha magaalada Muqdisho ugu dileen Dhowr darawalo oo shacabka Muqdisho ka mid ahaa kuwaasi oo qaarkood ay Murtadiinta u dileen sababo ku aadan iney ka diideen bixinta lacag dhan Labo Kun Shilin Somali oo Baad ah.
Todobaadkii Tagay ayeey aheed markii maleeshiyaatka Farmaajo gudaha iyo duleedka Magaalada Muqdisho si bareer ah ugu dileen ugu yaraan Sideed ruux oo shacab ah,iyagoona sidoo kale dhaawacay Labo Iyo Toban Ruux oo isla shacabka Muqdisho ah.
About The Author
