Guutada Madaafiicda ee Xarakada Mujaahidiinta Al Shabaab ayaa weerar madaafiic loo adeegsaday ku qaaday Markab sahay usiday ciidamada shisheeye ee ku sugan magaalada Baraawe.
Wararka ka imaanaya shabeelaha Hoose ayaa sheegaya in duqeyn ba’an uu lakulmay Markab maanta gelinkii dambe kusoo xiran lahaa dekadda Macmalka magaalada Baraawe.
Goob Joogayaal ayaa sheegay in markii uu Markabku kusoo dhowaaday dekadda Marqura ay madaafiic dhowr jiho ah kasoo dhacaysay ku hoobatay kadibna si dirqi ah ayuu uga durgay xeebta.
Markabka ayaa sahay iyo raashin usida ciidamada Uganda ee qeybta ka ah Howlgalka AMISOM kuwaas oo hareereyn dhanka Barriga iyo badda ah kala kulmaya Shabaabul Mujaahidiin.
War kasoo baxay Al Shabaab ayaa lagu sheegay in ciidamadoodu ay madaafiic ku beegsadeen Markab ku sugnaa Xeebta Baraawe “Ciidamada Mujaahidiinta ayaa madaafiic ku beegsaday Markab sahay usiday ciidamada Kufaarta Afrikaanta xilli uu kusoo xiran lahaa dekadda Baraawe waxaana lagu qosbay in uu dib ulaabto” ayaa lagu yiri war lagasii daayay Idaacadda Andalus.
Illaa iyo hadda wax war ah kamasoo bixin Taliska ciidamada AMISOM oo ku aaddan duqeyntan loo geystay Markabka sahayda usiday ee ku xiran lahaa dekadda Magaalada Baraawe.
About The Author
