Ciidamo katirsan dowladda Federaalka ayaa dhimasho iyo dhaawac ku noqday qarax xooggan oo lagula eegtay gudaha magaalada Muqdisho.
Qaraxa oo ka dhashay miino dhulka lagu aasay ayaa haleelay gaari ay la socdeen ciidamo katirsan dowladda Federaalka, goob joogayaal ayaa sheegay in jugta qarax aad u xooggan ay ka maqleen agagaarka isgoyska Albarakaro ee degmada Hodon.
Ugu yaraan 2 askari ayaa la xaqiijiyay in ay ku dhinteen qaraxa halka sedax kale ay ku dhaawacmeen, xarakada Al Shabaab ayaa war ay soo saartay ku sheegatay mas’uuliyadda qaraxa ka dhacay meel ku dhow isgoyska Albarako.
Dilalka qorshaysan iyo qaraxyada lagu beegsado askarta iyo saraakiisha dowladda Federaalka ayaa si joogta ah uga dhaca degmooyinka gobolka Banaadir waxaana fashilmay isku dayo ay hoggaanka DF-ka ku sugayeen amnnaaka magaalada caasimadda ah.
About The Author
