Warar dheeraad ah ayaa kasoo baxaya gummaad ay ciidamada Burundi ka geysteen deegaan katirsan gobolka Shabeelaha dhexe ee duleedka magaalada Muqdisho.
Ugu yaraan 2 qof ayaa la xaqiijiyay in ay dhinteen halka qof kale uu dhaawac soo gaaray kadib markii gaari gaashaaman oo ay wateen ciidamada AMISOM uu kujiiray gudaha degmada Balcad sida ay xaqiijiyeen dadka deegaanka.
“Gaariga Kufaarta Burundi ayaa cagta mariyay kareeto ama Gaari Dameer ay la socdeen sedax waxaana dhintay laba qof halka mid kale uu dhaawac halis ah qabo” sidaas waxaa yiri goob jooge ku sugan degmadaasi.
Wararka ayaa intaas ku daraya in ciidamadii dhibaatada geystay ay iskasii wateen socodkooda iyagoo aan dib umilicsan dadkii ay dhimashada iyo dhaawaca ugeysteen, boqolaal qof oo kamid ah shacabka magaalada Balcad ayaa dhigay dibad baxyo ka dhan ah ciidamada Burundi.
About The Author
