Kadib guuldarro dhanka Melleteriga ah oo kasoo gaaray dagaalladii ugu dambeeyay ee ay lagaleen xoogaga muqaawadamada Filasdiin ayuu isku iscasilaad ku dhawaaqay mas’uulkii ugu sarreeyay ee wasaaradda dagaalka Yahuudda.
Avigdor Lieberman oo ahaa wasiirka dagaalka Yahuudda ayaa ku dhawaaqay in uu iska casilay xilkii uu hayay isagoo eedeyn kulul ujeediyay Xukuumadda Netenyahu.
Isagoo ka hadlayay Telefeshinka Yahuudda ayuu sheegay in uu aad ugasoo horjeedo heshiiska Xabad joojinta ah ee lalagalay Kooxda Xamaas heshiiskaas oo uu ku tilmaamay mid awood siinaya wax uu ugu yeeray Argagaxiso.
Wasiirka iska casilay wuxuu dhaliil xooggan ujeediyay xukuumadda Netenyaahu oo uu sheegay in aysan ka go’neyn difaacidda dadka Yahuudda oo maalmihii lasoo dhaafay weeraro isdaba joog ah uga imaanayay xoogaga muqaawamada Filasdiiniyiinta.
Avigdor Lieberman ayaa ku baaqay doorashooyin degdeg ah si wax looga qabto buu yiri ammaanka dadka Yahuudda oo halis kujira, jimcihii lasoo dhaafay isku day ay ciidamada Yahuudda ku doonayeen in ay ku qabtaan Hoggaamiye katirsan garabka Melleteri ee Xamaas ayaa fashilmay waxaana Yahudda laga dilay sarkaal sare iyadoo ciidamo laga dhaawacay sidoo kale weeraro madaafiic ah oo ay Muuqaawamadu qaadday ay ku dishay dad Yahuud ah tobanaan kalane waa ku dhaawacday.
About The Author
