Wararka ka imaanaya dalka Turkiga ayaa tibaaxaya, in ciidamada Police-ka wadankaas ay xabsiga dhigeen gabar muslimad ah oo wax kabarta mid kamid ah jaamacadaha wadankaas ku yaala.
Gabadha xabsiga la dhigay ayaa lagu magacaabaa Iimaan Shaahiin, waxaana lagu eedayay iney ka hor timid daqiiqad loo aamuso hogaamiyihii cilmaaniga ee aas-aasay Jamhuuriyadda Turkiga kaas oo lagu magacaabo Mustafa Kamaal Ataatoorik.
Gabadhan oo dhigata kulliyadda caafimaadka ayaa xilli ardeyda lagu amray iney u aamusaan hal daqiiqo Kamaal Mustafaa, waxay tiri “ ma ilaahbaa Musatafa Kamaal?”.
Hadalkaas ayaa ka caraysiiyay dowladda Turkiga, waxaana la dhigay xabsiyada ciidamada police-ka, iyadoona la ogeyn halka ay ku dambeyso xaaladeeda.
Waxaa socda dadaallo ay wadaan qaar kamid ah ardeyda iyo culimada muslimiinta, kaas oo lagu doonayo in xabsiga looga sii daayo walaasheen Iimaan Shaahiin.
Dowladda Turkiga ayaa sanad weliba u dabaal degta dhicitaankii khilaafada islaamka, iya sarakicii Musatafa Kamaal, waxayna dowladda Turkiga ninkan u aragtaa inuu yahay halyeey ay tahay in sanad weliba la xuso.
About The Author
