Mucjiso: Gaalkii Gaalkacyo Lagu Dilay Ee Nabiga Caayay Oo Qabrigiisu Qodmi Waayay.
November 29, 2018
Arrin Mucjiso ah ayaa lagasoo calaamadeeyay magaalada Gaalkacyo ee xarunta gobolka Mudug bartamaha Soomaaliya.
Wararka aan ka helayno Gaalkacyo ayaa xaqiijinaya in dhib badan lagala kulmay aaska Cabdi Wali Cilmi Yare oo ahaa Ninkii sheegtay Nabinimada islamarkaana aflagaadeeyay Nabigeenna Maqaamka sare leh ee Muxamed SCW.
Dadka Muslimiinta ee ku dhaqan Gaalkacyo ayaa xaqiijiyay in dhowr god loo qoday Meydka Ninka gaalka ah balse la awoodi waayay in god walba oo laqodo ladheereeyo oo lagaarsiiyay heerka qof lagu aaso, marwalba oo laysku dayo in godka laqodo wuxuu isku bedelayaa god aad ugaaban oo waa duugmayaa.
Ehelladiisa iyo dadkii isku dayay in ay aasaan ayaa ku dhibtooday waxaana adkaatay in la helo meel munaasab ah oo lagu aaso illaa markii dambe lagu tuuray god qashinka lagu qubo oo horay uqdonaa, dadkii qodayay godkii lagu aasi lahaa Cabdi Wali Cilmi Yare ayaa aad ula tacajubay mucjisada meesha ka dhacday illaa markii dambe ay goobta isaga cararaan.
Wararka ayaa intaas ku daraya in dadka deegaanka ay isku maandhaafeen halka lagu aasayo, dadka qaar ayaa soo jeediyay in lagu aaso qabuuraha muslimiinta halka dadka qaar ay diideen.Koonfurta magaalada Gaalkacyo ayaa arrintan si aad ah looga hadal hayaa, dadka ayaa indhahooda ku arkay mucjisadan ku habsatay Meydka Gaalkii Nabinimada sheegtay oo qaab loo aaso lawaayay waana arrin kale oo muslimiinta tusinaysa xummaanta Ninkan iyo kuwii raacsanaa.
Arrin Mucjiso ah ayaa lagasoo calaamadeeyay magaalada Gaalkacyo ee xarunta gobolka Mudug bartamaha Soomaaliya.
