Ugu yaraan saddex gobol oo kamid ah wadanka Indonesia ee dhaca qaaradda ASIA ayaa waxaa ku dhutay sunamiyo geystay khasaare baaxad leh oo isugu jira dhimasho iyo dhaawac.
Wakaaladda faafisa xaaladaha banii aadamnimada ee kasoo baxda dalka Indonesia ayaa shaaca ka qaaday in maalintii shalay oo sabti ahayd ay deegaanno badan oo katirsan wadankaas ay ku dhufteen sunaamiyo ay ku waxyeeloobeen boqollaal ruux.
Meelaha ugu adag ee ay sunaamidu ku dhufatay waa marinka Soonda ee u dhexeeya jaziiradaha Jaaw iyo Sowmadhra ee wadanka Indonesia.
Ugu yaraan 43 ruux ayaa la xaqiijiyay iney ku dhinteen sunaamidan, halka kudhawaad 600 oo ruux ay ku dhaawacmeen, waxaana hay’adaha maareynta musiibooyinka ay ka cabsi qabaan in waxyeelladu intan kasii badato.
Saddex gobol oo kala duwan ayuu sunaamigani saameeyay, waxaana dhamaantooda ay yihiin deegaanno xeebeed, dalka Indonesia ayaana ka kooban jaziirado kumanaan gaaraya.
About The Author
