Sarkaal ka tirsan maleeshiyaatka murtadiinta ayaa si halis ah ugu dhaawacmay qarax xoogan oo lala eegtay gaarigiisa xilli uu marayey xaafadda Afasiyooni ee degmada Waabari sida ay noo xaqiijiyeen saraakiil ka tirsan Mujaahidiinta.
Qaraxan ayaa la sheegay in sidoo kale uu burbur xoogan soo gaarsiiyey gaariga uu watay Sarkaalkan.
Meel kale oo ka tirsan degmada Xamarweyne ayaa sidoo kale laga maqlay laba qarax oo dheeraad ah kuwaas oo lagu bartilmaameedsaday Maleeshiyaat ka tirsan kooxda ridada Soomaaliya.
Saraakiisha Mujaahidiinta ee Muqdisho waxay noo sheegeen in qaraxyada lagu weeraray maleeshiyaatka loogu yeero ciidanka ‘Xasilinta Caasimada’ Islamarkaana halkaas uu ka dhashay qasaare kala duwan.
Weerarada Mujaahidiinta ee isugu jira qaraxyada, dilalka qorsheysan iyo dagaalada tooska ah ayaa dhowrkii todobaad ee la soo dhaafay ku soo badanayey degmooyinka magaalada Muqdisho.
Shaley oo talaado ahayd waxaa qarax xoogan oo ka dhacay magaalada Muqdisho si halis ah ugu dhaawacmay agaasimihii hore ee wazaarada warfaafinta ee kooxda ridada Soomaaliya, kaas oo gaari uu watay lala eegtay qarax aad u xoogan.
Xigasho Radioandalus24.com
Calamada.com
About The Author
