Wararka ka imaanaya Afghanistan ayaa sheegaya in toogasho ka dhacday gudaha saldhig melleteri oo ay ku sugnaayeen ciidamada NATO lagu dilay ugu yaraan 2 askari oo u dhashay wadanka Mareykanka.
War kooban oo kasoo baxay isbaheysigan ayaa lagu sheegay in askari katirsan ciidamada xukuumadda Kaabuul uu toogtay laba askari American ah balse faah faahin dheeri ah lagama bixin qaabka uu weerarku dhacay.
NATO waxay warbixinteeda ku sheegtay in waqti hadda laga joogo 7 bilood gudaha Afghanistan looga dilay 14 askari kuwaas oo ku dhintay weerarada joogtada ah ee mujaahidiinta Taliban ay ka geysanayaan wadanka.
Qoraal kooban oo imaarada islaamiga ah kasoo baxay ayay ku bogaadisay weerarka uu askariga afghaniga ah ku dilay askarta shisheeye, tirada cidamada NATO ee ku dhaawacmay dagaalka Afghanistan tan iyo sanaddan 2019 ayaa lagu sheegay 60 askari balse wariyaasha iyo falanqeeyayaasha melleteriga waxay sheegayaan in tirada dhimasho iyo dhaawac ee NATO sheegtay ay intaas ka badantahay ayna gaarsiisantahay boqolaal dhimasho ah ah iyo dhaawaca kumanaan kale.
About The Author
