Maleeshiyaat ka wada tirsan dowlada Ridada ayaa ku dagaalamay qeybo ka mid ah degmada Shibis ee magaaladan Muqdisho kaasi oo khasaara kala duwan ay isku gaarsiiyeen maleeshiyaatkii dagaalamay.
Iska hor’imaadka ayaa yimid kadib markii maleeshiyaat taagnaay wadada dhinaceeda ilaalana ka ahaa hoteel ay daganyihiin saraakiil ka tirsan dowlada Ridada ay isku dayeen iney dib u celiyaan maleeshiyaat ka tirsan Nabad sugidda oo doonayay iney xoog ku maraan wadada ay xirteen maleeshiyaatka ilaalada ka hor hoteelka goobta ku yaala.
Maleeshiyaatka dowlada ayaa iska hor imaadkaan isku adeegsaday hubka noocyadiisa kala duwan waxeyna taasi sababtay khasaara nafeet iyo mid hantiyadeed oo soo wada gaartay maleeshiyaatkii dowlada ee dagaalamay.
Inta la xaqiijiyay iska hor’imadkan waxaa ku dhinta Afar askari oo ka tirsan maleeshiyaatkii Nabad sugidda ee doonayay iney wadada xoog ku maraan tiro kalane oo isla maleeshiyaatka dowlada ah weey ku dhaawacmeen iska hor’imaadka.
Dirirta degmada Shibis ku dhexmartay maleeshiyaatka ka wada tirsan dowlada Ridada ayaa kusoo aadeysa xilli uu sii xoogeystay khilaafka ka dhextaagan dowlada Ridada,iyadoona saasaan dagaal oo u dhaxeya xubnaha dowlada ee is khilaafay laga dareemayo magaalada Muqdisho.
Muuse Malaay.
Calamada Online.
Mogadishu, Somalia.
About The Author
