Warar dheeraad ah ayaa kasoon baxaya weeraro xooggan saacadihii lasoo dhaafay ka dhacay deegaanno iyo degmooyin katirsan gobollada Bay iyo Bakool.
Wararka ka imaanaya magaalada Baydhabo ayaa sheegaya in weerar Bambaano xalay lagu qaaday isku imaatin ay ku sugnaayeen maleeshiyaad katirsan maamulka isku magacaabay Koonfur Galbeed.
Goob joogayaal ayaa sheegay in Jugta qarax xooggan laga maqlay xaafadda Buulo Nuuriyo, illaa 2 askari ayaa la xaqiijiyay in ay ku dhaawacmeen weerarkii xalay.
Dhinaca kale xoogagga Al Shabaab ayaa maanta gelinkii hore weerar fool ka fool ah ku qaaday goob isbaaro utiillay ciidamada maamulka Shariif Sakiin ee duleedka magaalada Baydhabo.
Ugu yaraan yaraan sedax askari ayaa la xaqiijiyay in ay ku dhinteen weerarka oo ka dhacay deegaanka Carra Guduud, wararka qaar waxay sheegayaan in ciidamada qarax Miino lala helay halka warar kale ay sheegayaan in tacshiirad lamaqlay qaraxa kadib.
Sidoo kale hal askari ayaa ku dhintay weerar ka dhacay meel ku dhow magaalada Xudur ee xarunta gobolka Bakool, dhammaan weeraradan waxaa mas’uuliyadooda sheegatay Xarakada Al Shabaab.
About The Author
