Khasaare kala duwan ayaa ciidamada Yahuudda lagu gaarsiiyay weerar qorsheysan oo Falastiini ku hubeysan gaarigiisa uu ka fuliyay bar Control oo ciidamada Yahuuddu kaga sugnaayeen deegaan ka tirsan Daanta galbeed ee gumeysiga ku hoos jira.
Warbixin uu soo saaray taliska ciidanka Booliska sahaayinada ayaa lagu sheegay in weerarka uu qofka Falastiiniga ah ka fuliyay Controlka uu ka dhacay magaalada Al-khadar ee hoostaga Bayt-laxam ee daanta Galbeeb.
Ugu yaraan laba askari oo sahaayinada ka tirsan ayaa ku dhaawacmay howlgalka gaari jiirsiinta ah, halka weerarkan uu sidoo kale dhaliyay in lagu kala cararo goobta uu beegsaday Falastiiniga.
Warbaahinta gumeystuhu waxay sheegtay in weeraryahanku markii uu fuliyay howlgalka gaarka ah ay u suuragashay in Allaah fadligiis uu si nabad ah kaga dhaqaaqo goobta uu howlgalku ka dhacay.
Muuqaallo baraha bulshada lagu baahiyay ayaa muujinayay gaadiidka gurmadka oo dhaawacyada ciidamada Yahuudda ka daabulaya goobta uu weerarku ka dhacay.
Dhalinyarada Falastiiniyiinta ah ayaa howlgallo kaligii duul ah oo iska caabin ah ku beegsada kaantaroollada millatari iyo goobaha ciidan ee ay basaska ka raacaan askarta gumeystaha, halkaas oo ay ku dilaan sidoo kalena ku dhaawacaan askar badan oo dhibaatooyin kula kacay dadka muslimiinta ah.
About The Author
