Khalalaasaha dhiigga badan ku daatay ee kajira wadanka Itoobiya ayaa saameyn ballaaran ku yeeshay ciidamada taliska Tigreega, ciidamadaas oo xuduudaha gadaashooda ka difaacayay danaha maamulkaasi.
Nidaamka Kajira magaalada Addis Ababa ayaa siyaasadeeyay melleteriga Itoobiya kadib markii uu u adeegsaday in uu ku qamciyay ama ku damiyay dadka kacdoonka dhigaya ee mucaaradsan xukunka wadanka kajira.
Shabakadda ISP-Press ayaa baahisay warbixin ka dardaar warinaysa xaaladda liidata ee kajirta gobolka Amhara oo ay ka socdaan kacdoonnada ugu daran ee Itoobiya kajira.
Warbixinta ayaa sheegaysa in xaalad quus ah ay kajirto magaalooyinka gobolka Amhara kadib markii howlgallada raafka ah oo ay fulinayaan ciidamada ammaanka  ay noqdeen kuwa joogta ah.
Saxafiga warbixinta diyaariyay ee James Jeffrey ayaa ka dardaar wariyay xaaladda kajirta gobolka Amxaarada iyo saameynta uu ku yeeshay xukunka xaaladda degdega ah ee dowladdu soo rogtay bishii October 2016.
Wariyaha ayaa la kulmay mid kamida ciidamada melleteriga Itoobiya kaasi oo muddo 7 sanadood ah kasoo dagaallamay dalka Soomaaliya.
Askariga oo magaciisa kusoo gaabiyay Tafase ayaa sheegay  in dadkiisa ay dilayaan ciidamada dowladda isagoo hadlayay ayuu yiri “Sidee Askari ku noqonaysaa adigoo dilaya shacabkaagii hadaba waxaa tahay Argagaxiso”.
isagoo hadalkiisa sii wata ayuu askarigan muujiyay quus ku aaddan waxa ka socda wadanka Itoobiya wuxuuna xukuumadda ku eedeeyay in dadka mucaaradsan ay dilayso islamarkaana ay xabsiyada ku gurayso.
“Waxaan ahaay Askari shacabkiisa ilaaliya balse xukuumadda ayaa idayacday kadib 7 sanadood oo aan kasoo dagaallamay dalka Soomaaliya†ayuu hadalkiisa sii raaciyay Tafase oo quus ka muujinayay xaaladda uu marayo wadanka Itoobiya.
Shabakadda ISP-Press oo warbixinta diyaarisay waxay sheegtay in magaalada Gonder ee qowmiyadda Amxaaradu degto uu saameeyay Bandawga ay dowladda Itoobiya soo rogtay, faqriga ayaa daashaday bulshada halka dhalinyaradu ay ka sheeganayaan shaqa la’aan baahsan waxaana gaabis ah adeegyadii ay qaban jireen xafiisyada dowladda.
James Jeffrey oo ah saxafiga la kulmay askariga Itoobiyaanka ah ee Soomaaliya kasoo dagaallamay ayaa  sheegay in Tafasa isagoo Baaga muuddo ah oo qabatoomay maandooriyaha khaatka uu dhax wareegaysanayo magaalada Gonder oo ah magaalo ku kacdoontay taliska Addis Ababa.
Kumanaan katirsan ciidamada Xabashida Itoobiya ayaa duullaan ku jooga dalka Soomaaliya, marka lagasoo tago weerarada ay ciidamadaasi kala kulmaan Xarakada Al Shabaab ma helaan mushaaraad ay noloshooda ku maareeyaan taasi oo keentay in boqolaal askari ay xukuumadda ka fallaagoobaan ayna qeyb ka noqdaan jabhadaha hubeysan ee kacdoonka wada.
Calamada.com
About The Author
