Wararka ka imaanaya degmada Buurhakabo ee gobalka Baay waxey sheegayaan in gudaha degmadaasi iska hor’imaad xoogan ku dhexmaray maleeshiyaat ka wada tirsan dowlada Ridada.
Iska hor’imaadkan ayaa yimid kadib markii Muran iyo khilaaf salka ku hayo qeybsiga Lacago Baad ah oo kasoo xarootay isbaarada dowlada ee degmada Buurhakabo waxa uu dhexmaray maleeshiyaatkii horay ugu sugnaay degmada iyo maleeshiyaat cusub oo dhawaan laga keenay dhanka magaalada Baydhabo.
Goob-joogayaal waxey xaqiijiyeen in iska hor’imaadkaasi maleeshiyaatka Kabo qaadka u ah Amxaarada ay isaga dileen tiro askar ah tiro kalane weey isaga dhaawaceen,waxeyna Goobjoogayaasha intaasi ku dareen iney suura gal tahay in markale maleeshiyaatka dowlada ay kuwada diriraan degmadaasi.
Sidoo kale maleeshiyaatka Cusub ee dhawaan la geeyay degmada Buurhakabo ayaa doonaya iney maamulaan goobta Isbaarada si ay kaligood u qaataan lacagta kasoo xaroota ee sida xooga ah ay kaga qaataan dadka iyo gaadiidka safarka ah balse waxaa arintaasi gabi ahaan kasoo horjeestay maleeshiyaatkii horay ugu sugnaay degmadaasi.
Calamada.com
About The Author
