Ciidamada nasaarada xabashida Itoobiya, ayaa lasoo wariyay in bandow rasmi ah ay kusoo rogeen degmada Doolow oo ka mid ah degmooyinka gobolka Gedo, sidoo kalena ka mida goobaha ay duullaanka saliibiga ah kaga suganyihiin koonfurta iyo bartamaha Soomaaliya.
ENDF oo ah ciidanka millatariga dowladda xabashida Itoobiya ayaa lasoo wariyay in uu degmada Doolow ee gobolka Gedo ka dhaqan geliyay bandow soconaya habeenkii oo dhan, iyadoo maamulka halkaas ka jira ee maqaar saarka u ah xabashidana uusan jirin wax war ah oo kasoo baxay oo ku aaddan bandowga magaalada uu maamulkeeda sheegto kusoo rogeen ciidanka xabashida.
Ilo wareedyo dhanka deegaanka ah ayaa soo sheegay in ciidamada ENDF-ta loo yaqaan ay dhaqdhaqaaqyo iyo isfidin ka wadaan dhul ballaaran oo kuyaal jidka u dhaxeeya magaalooyinka Doolow iyo Beledxaawo ee gobolka Gedo, mana jiro askari ka mid ah ciidankan oo ka tirsan waxay ugu yeeraan Isbahaysiga ATMIS ee duullaanka ku jooga qaybo ka mid ah magaalooyinka dhaca koonfurta iyo bartamaha Somalia.
Bandowga ciidamada nasaarada xabashidu kusoo rogeen degmada Dooloow, ayaa ka dhigan in magaaladan ay tahay mid ka mid ah magaalooyinka ay sida tooska ah u maamusho Itoobiya, waxayna meesha ka saaraysaa in uu jiro maamul Soomaaliyeed, maadaama amarka bandiwga uu si toos ah uga soo baxay ciidanka Itoobiya, isla iyagiina ay dhaqan geliyeen.
About The Author
