Wararka ka imaanaya magaalada Kiidaal ee dalka Maali ayaa sheegaya in ciidanka xukuumadda Riddada ah ee dalka Maali ay dad shacab ah ku xasuuqeen gudaha magaaladaasi, xilli uu faraha kasii baxay xasuuqa ka dhanka ah dadka rayidka ee ay gaysanayaan millatariga Maali.
Ugu yaraan lix qof oo shacab ayaa ku dhintay xasuuqan cusub ee ciidanka Riddada Maali ay ka gaysteen magaalada Kiidaal, waxaana dadka ku dhintay xasuuqaasi ka mid ah saddex caruur ah, sida ay xaqiijiyeen ilo wareedyo maxalli ah.
Dad goobjoogeyaal ah oo la hadlay warbaahinta maxalliga ah ayaa sheegay in xasuuqan ay gaysteen maleeshiyaadka dowladda camiilka ah ee fadhigeedu yahay Bomako. waxayna sheegeen in khasaaraha dhimasho uu intaas ka badan karo, maadaama uu xasuuqu dhacay maanta.
Kooxaha Azawaadka ee kacdoonka millatari kula jira xukuumadda Riddada ah ee Bomaako, ayaa sheegay in weeraro bahalnimo ah oo ay gaysteen ciidanka dowladda Riddada Maali lagu dilay 12 qof oo rayid ah oo ay ku jiraan 3 caruur ah.
About The Author
