Duullaanka cadowtooyo ee ciidanka gumeystuhu ka wadaan marinka Gaza oo maanta ay u ahayd maalintiisii 219-aad, waxay ragga firfircoon ee ka howlgala marinka diiwaan geliyeen dagaallo qaraar iyo iska hor’imaadyo toos ah oo lala galay ciidanka Yahuudda.
Dagaallada oo ka dhacay gudaha marinka, waxay ciidanka gumystuhu ku bixiyeen qiraalkii ugu badnaa abdi ee dhaawacyada maalinlaha ah, tan iyo markii uu billowday howlgalka Duufaanta Al-aqsaa ee u dhaxeeya muqaawamada iyo ciidanka sahyuuniyadda.
Bayaan maanta kasoo baxay ciidanka gumeystaha ayaa lagu sheegay in 50 xubnood oo isugu jira saraakiil iyo askar ay kaga dhaawacmeen dagaal culus oo kooxaha wax iska caabinta ay kula galeen marinka Gaza.
Tiradan cusub ayaa ka dhigan kii ugu badnaa dhaawacyo ee ay maalin qura qirteen ciidanka Yahuudda, waxaana la sheegaya in dhimashadu ay tobaneeyo tahay, maadaama khasaare dhaawacyo ah oo intan la eg aysan horay u qiran ciidanka sahyuuniyiinta ah, waxayna tani tirada guud ee dhaawacyada ka dhigaysaa 3,415 oo dhaawacyo ah, oo ay ka mid yihiin 526 xubnood oo dhaawacoodu culus yahay.
About The Author
