Ciidamo aad u hubeysan oo katirsan Xarakada Al Shabaab ayaa xalay saqdii dhexe weerar xooggan ku qaaday saldhig ciidan oo kuyaal deegaanka Xawaadleey ee gobolka Sh/dhexe.
Wararka ka imaanaya deegaanka Xawaadleey oo hoostaga degmada Balcad ayaa sheegaya in dagaal xooggan uu xalay deegaanka ku dhaxmaray ciidamada Al Shabaab iyo maleeshiyaad taabacsan dowladda Federaalka.
Sarkaal katirsan wilaayada islaamiga Sh/dhexe ayaa warbaahinta u xaqiijiyay in ciidamadoodu ay cagta mariyeen xaruntii maamulka DF-ka ee deegaanka iyo saldhig ciidanka.
Ilo wareedyo ayaa xaqiijinaya in dagaalka lagu gubay gaari ay dowladdu laheyd islamarkaana dhaawac halis ah uu gaaray Col. Jeylaani Farooleoo ahaa taliyaha ciidanka ee deegaanka Xawaadleey.
Ciidamada Al Shabaab ayaa muddo saacada ah gacanta ku hayay deegaanka balse saaka aroortii ayay si nabad gelya ah dib uga gurteen, ciidamadii dowladda iyo taliyihii ciidanka oo dhaawac ah ayaa gaaray degmada Balcad halka uu mugdi ku jiro xaaladda guddoomiyaha maxkamadda Xawaadley.
About The Author
