Dagaallo ayaa dib ugasoo cusboonaaday magaalada Qoryooleey oo kamid ah magaalooyinka ku jira gacanta ciidamada shisheeyaha Kufaarta ah.
Ciidamo aad u hubeysan oo katirsan Xarakada Mujaahidiinta Al Shabaab ayaa Markale guluf dagaaleed ku qaaday deegaan katirsan gobolka Sh/Hoose ee dhaca Koonfurta dalka Soomaaliya.
Wararka ka imaanaya degmada Qoryooley ayaa sheegaya in ciidamada Al Shabaab ay xalay saqdii dhexe weeraro ku mireen saldhig melleteri oo ciidamada Dowladda Federaalka uga suganyihiin gudaha degmadaasi.
Dadka deegaanka ayaa sheegay in dagaal saacado badan qaatay kadib ay ciidamada Al Shabaab si buuxda ula wareegeen gacan ku heynta magaalada Qoryooleey.
Maleeshiyaadkii dowladda Federaalka ayaa markii looga adkaaday dagaalkii xalay waxay magansadeen saldhigga ciidamada Uganda ee kuyaal tuulada Buula Sheekh, wararka ayaa intaas ku daraya in markii dagaalku soo idlaaday weerar madaafiic ah lagu qaaday saldhigga AMISOM ee dhaca duleedka Qoryooleey.
Dadka deegaanka ayaa warbaahinta u xaqiijiyay in ciidamada Xarakada Al Shabaab ay dib uga gurteen Qoryooley waaberigii hore ee saaka.
Khasaaraha dhimasho iyo dhaawac ah ayaa laga yaabaa in uu ka dhashay dagaalkii Qoryooley balse illaa iyo hadda tiraka koob rasmi ah lagama haayo khasaaraha.
About The Author
