Warar dheeraad ah ayaa kasoo baxaya duqeyn dhowaan ay diyaaradaha dagaalka dowladda Mareykanka ka geysteen deegaan katirsan gobolka Shabeellaha Hoose.
Waxgaradka iyo salaadiinta beesha Garre ayaa kulan ay ku yeesheen degmada Tooratooroow waxay uga hadleen dilkii Ibraahim Cabdi Gaab oo kamid ahaa dalaalayda caanka ah ee deegaanka.
Macallin Xasanoow oo kamid ah Nabadoonnada Beesha Garre iyo Ugaaska beesha ayaa sheegay in diyaaradaha Mareykanka ay xasuuq ugeysanayaan dadka shacabka ah ee kunool Shabeellaha Hoose.
Waxay beeniyeen sheegashada ka timid dowladda Mareykanka ee ah in Ibraahim Cabdi Gaab uu kamid ahaa Xarakada Shabaabul Mujaahidiin, waxay sheegeen in ninka shacabka ah ee ladilay uu ahaa dalaal baabuureey ah islamarkaana caan ka ahaa Tooratooroow iyo hareeraheeda.
Halkan Guji si aad u dhageysato Waxgaradka Beesha Garre oo ka hadlay duqeymaha Mareykanka MP3
Hay’ado reergalbeed ah ayaa warbixinno ay soo saareen sanadkaan gudihiisa waxay kusoo bandhigeen qeyb yar oo kamid ah xasuuqa uu maamulka Trump ku hayo shacabka Soomaaliyeed.
About The Author
